كلمات الاغنية
على غزة بجت عيون العراق
و على العراق تبجي عيون غزة
مثل اهل الكهف ناموا تره هواي
دول كلها اضن محتاجة فزة
شكد حزنان كَلبي ميت قهر شعبي
شكد شبان راحوا جوه التراب
قصصهم بالكَلُب سوتلي نغزة
ياعيد الاجه و بي فرحت الناس
واحدنا بمصاب الثاني عّزه
بس اسود لبسنا نسينا الالوان
الفرح تيهنا بابه و ضاع رمزه
ناس كبالي دتموت
انادي و من سمع صوت
افك بيبان بيتي و افرش الروح
الى اهل المسيح و ما اعزه
طفل بالشام حتى بالموت بجاه
و طفل بالموصل محيرني لغزه
و طفل ثالث بغزه تدري شيكول
شوكت نرتاح و نعيش بمعزه
حتى الموت ملنا زلم شكد دفنا
اسم كل ام بجت لازم نعليه
و على خدود الكمُر باجر نطرزه
حكام العرب يمتى تكعدون
بركبنا السيف هالارهاب حزّه
شام و موصل و غزه ينادون
شعجب بعقولكم متصير هزه ؟
سكوت يطول منريد
دصيرو الايد بالايد
نصير احسن بشر بس تصفى الكَلوب
و بس تصفى .. النصر باجر نحرزه
على غزة بجت عيون العراق
و على العراق تبجي عيون غزة
مثل اهل الكهف ناموا تره هواي
دول كلها اضن محتاجة فزة
شكد حزنان كَلبي ميت قهر شعبي
شكد شبان راحوا جوه التراب
قصصهم بالكَلُب سوتلي نغزة
ياعيد الاجه و بي فرحت الناس
واحدنا بمصاب الثاني عّزه
بس اسود لبسنا نسينا الالوان
الفرح تيهنا بابه و ضاع رمزه
ناس كبالي دتموت
انادي و من سمع صوت
افك بيبان بيتي و افرش الروح
الى اهل المسيح و ما اعزه
طفل بالشام حتى بالموت بجاه
و طفل بالموصل محيرني لغزه
و طفل ثالث بغزه تدري شيكول
شوكت نرتاح و نعيش بمعزه
حتى الموت ملنا زلم شكد دفنا
اسم كل ام بجت لازم نعليه
و على خدود الكمُر باجر نطرزه
حكام العرب يمتى تكعدون
بركبنا السيف هالارهاب حزّه
شام و موصل و غزه ينادون
شعجب بعقولكم متصير هزه ؟
سكوت يطول منريد
دصيرو الايد بالايد
نصير احسن بشر بس تصفى الكَلوب
و بس تصفى .. النصر باجر نحرزه